Við veitum víðtæka og heildstæða bókhaldsþjónustu fyrir fyrirtæki, einkahlutafélög og félagasamtök af öllum stærðum. Við mætum þörfum fyrirtækja jafnt fyrir stóra sem smáa. Við vinnum í nánu samstarfi við viðskiptavini okkar og leggjum metnað í skýr samskipti og vönduð vinnubrögð, þar sem þjónustan er alltaf aðlöguð að umfangi rekstrarins og þeim skilum sem sinna þarf á hverjum tíma. Hvort sem um er að ræða stofnun nýs félags, samruna eða daglegan rekstur, bjóðum við upp á trausta leiðsögn og sjáum um alla nauðsynlega pappírsvinnu og umsýslu frá upphafi til enda.

​

Öllum þáttum fjárhagsbókhaldsins, svo sem færslum og afstemmningum er sinnt af nákvæmni og aðlagað að starfsemi hvers fyrirtækis. Bókhaldið er að öllu jöfnu fært í DK viðskiptahugbúnaði, en einnig er í boði bein tenging við bókhaldskerfi þíns fyrirtækis ef óskað er. Við tökum að okkur alla launavinnslu af fullkomnu öryggi og stundvísi, óháð fjölda starfsmanna. Það felur í sér gerð tölvukeyrðra launaseðla, skilagreinar til banka, staðgreiðsluskatta, tryggingagjalds, lífeyrissjóða og stéttarfélaga, ásamt launamiðum og forskráningu upplýsinga til Skattsins.

​

Að bókhaldsárinu loknu sjáum við um gerð ársreikninga og tryggjum að öllum lögbundnum skilum sé mætt í fullkomnu öryggi á réttum tíma, ásamt því að bjóða upp á milliuppgjör sé þess óskað. Markmið okkar er að veita örugga og vandaða þjónustu svo þú og þitt teymi getið einbeitt ykkur að framgangi rekstrarins.